Валанцёрства і грамадзянская актыўнасць з’яўляюцца ключавымі рэсурсамі інклюзіі, таму што рушаць сацыяльныя бар’еры, аб’ядноўваюць людзей з рознымі магчымасцямі
ў сумеснай грамадска-карыснай дзейнасці. І рэсурс гэты працуе ў двух напрамках: грамадства вучыцца прымаць разнастайнасць, а асобныя группы людзей атрымоўваюць магчымасць стать актыўнымі яе ўдзельнікамі, тым самым быть карыснымі грамадству.
Так валанцёры “сярэбранага” ўзросту ТЦСАН Любанскага раёна правялі круглы стол па тэме “Няма прафесіі такой, непадуладнай жанчыне” з дзецьмі, якія адпачываюць у аздараўленчым лагеры “Арэса”, дзе мелі магчымасць накіраваць сваю энергію на грамадскую карысць і перадаць свой бясцэнны вопыт падрастаючаму пакаленню.
Сустрэчу правеў валанцёр і краязнаўца Анатоль Іосіфавіч Вялічка. У рамках Года беларускай жанчыны ён пазнаёміў прысутных з працоўнымі дасягненнямі і актыўнай жыццёвай пазіцыяй жанчын – Герояў Сацыялістычнай Працы Любаншчыны, якія працавалі на розных пасадах і дабіліся значных поспехаў. Асаблівая ўвага надавалася жанчынам, якія мужна змагаліся ў гады вайны з захопнікамі. Адзначана, што жанчыны нароўні з мужчынамі займаюць розныя пасады ў нашай сувярэннай дзяржаве.
Аб сваёй актыўнай жыццёвай пазіцыі і служэнні абранай прафесіі падзяліліся:
– кіраўнік раённай ветэранскай арганізацыі, ветэран педагагічнай працы Хаустовіч Тамара Міхайлаўна, якая ўзнагароджана медалём “За працоўную адзнаку” і шматлікімі ўзнагародамі рэспубліканскага саюза ветэранаў;
– падпалкоўнік міліцыі Альфяровіч Марыя Маісееўна, адзіная сярод жанчын ў рэспубліцы мае асабістую ўзнагароду – наган і шматлікія ўзнагароды за бездакорную службу;
– мічман Паўночнага флоту Баброва Валянціна Іванаўна, якая мае шмат узнагарод за службу, а сёння захапляецца вышыўкай бісерам.
Дзеці задавалі шмат пытанняў і былі ўражаны выступленнямі сталых вопытных людзей.
Нашы валанцёры сваім прыкладам паказалі, што выхад на пенсію – гэта не канец, а наадварот крок да новых магчымасцей, руху наперад, выяўленню рэсурсаў для самарэалізацыі і актыўнага ўдзелу ў жыцці грамадства.
